Shiv Rudrashtakam

॥ Shri Shiv Rudrashtakam ॥

नमामीशमीशान निर्वाणरूपं
विभुं व्यापकं ब्रह्मवेदस्वरूपम् ।
निजं निर्गुणं निर्विकल्पं निरीहं
चिदाकाशमाकाशवासं भजेऽहम् ॥ १॥

Namam-Iishaam-Iishana Nirvanna-Rupamm
Vibhumm Vyaapakamm Brahma-Veda-Swaroopam ।
Nijjam Nirgunam Nirvikallpam Niriham
Chidakasham-Aakasha-Vasamm Bhaje-Ahamm ॥1॥
 

निराकारमोंकारमूलं तुरीयं
गिरा ज्ञान गोतीतमीशं गिरीशम् ।
करालं महाकाल कालं कृपालं
गुणागार संसारपारं नतोऽहम् ॥ २॥ 

Niraakaaramm-Ongkaara-Moolam Turiiyamm
Gira-Gyaana-Go-Atitam-Iisham Girishamm
Karalam Mahakala-Kalam Kripalam
Gunnaa-Aagaaraa-Samsara-Param Nato-Ahamm ॥2॥
 

तुषाराद्रि संकाश गौरं गभीरं
मनोभूत कोटिप्रभा श्री शरीरम् ।
स्फुरन्मौलि कल्लोलिनी चारु गङ्गा
लसद्भालबालेन्दु कण्ठे भुजङ्गा ॥ ३॥

Tusaara-Adri-Samkashaa-Gauramm Gabhiramm
Mano-Bhoota-Kotti-Prabha-Shri Shariiram ।
Sphurann-Maulii-Kallolini Charu-Ganga
Lasad-Bhala-Bale-Indu Kanthe Bhujanga ॥3॥

चलत्कुण्डलं भ्रू सुनेत्रं विशालं
प्रसन्नाननं नीलकण्ठं दयालम् ।
मृगाधीशचर्माम्बरं मुण्डमालं
प्रियं शंकरं सर्वनाथं भजामि ॥ ४॥

Chalat-Kundalamm Bhruu-Sunetramm Vishalam
Prasannaa-Aananam Neela-Kanntham Dayalam ।
Mriga-Adhisha-Charma-Ambaram Munda-Malam
Priyam Shankaramm Sarva-Natham Bhajami ॥4॥

प्रचण्डं प्रकृष्टं प्रगल्भं परेशं
अखण्डं अजं भानुकोटिप्रकाशम् ।
त्रयः शूल निर्मूलनं शूलपाणिं
भजेऽहं भवानीपतिं भावगम्यम् ॥ ५॥

Prachandam Prakrstam Pragalbhamm Pare-sham
Akhandam Ajamm Bhanu-Kotti-Prakasham ।
Tryah-Shoola-Nirmoolanam Shoola-Pannim
Bhaje-Aham Bhawani-Patim Bhava-Gamyamm ॥5॥

कलातीत कल्याण कल्पान्तकारी
सदा सज्जनानन्ददाता पुरारी ।
चिदानन्द संदोह मोहापहारी
प्रसीद प्रसीद प्रभो मन्मथारी ॥ ६॥

Kalateet-Kalyanna Kalpa-Anta-Karii
Sada Sajana-Aanannda-Data Pura-Ari ।
Chid-Aananda-Samdoha Mohaa-paharii
Prasida Prasida Prabho Manmatha-Arii ॥6॥

न यावत् उमानाथ पादारविन्दं
भजन्तीह लोके परे वा नराणाम् ।
न तावत् सुखं शान्ति सन्तापनाशं
प्रसीद प्रभो सर्वभूताधिवासम् ॥ ७॥

Na Yavad Uma-Naath-Pada-Aravindamm
Bhajanti-ha Loke Pare Va Naranaam ।
Na Tavat-Sukham Shanti Santapa-Nasham
Prasida Prabho Sarva-Bhoota-Adhi-Vasam ॥7॥

न जानामि योगं जपं नैव पूजां
नतोऽहं सदा सर्वदा शम्भु तुभ्यम् ।
जरा जन्म दुःखौघ तातप्यमानं
प्रभो पाहि आपन्नमामीश शम्भो ॥ ८॥

Na Janami Yogam Japam Naiva Poojam
Natoham Sada Sarvada Shambhu-Tubhyamm ।
Jara-Janma-Duhkhau-Agha Tatapyamanam
Prabho Pahi Aapanna-Mam-isha Shambho ॥8॥

रुद्राष्टकमिदं प्रोक्तं विप्रेण हरतोषये ।
ये पठन्ति नरा भक्त्या तेषां शम्भुः प्रसीदति ॥

Rudrassttaka-Idam Proktamm Viprena Hara-Tosaye ।
Ye Pathanti Nara Bhaktya Tesam Shambhuh Prasidati ॥

॥ इति श्रीगोस्वामितुलसीदासकृतं श्रीरुद्राष्टकं संपूर्णम् ॥

॥ Iti Shri Goswaami Tulsidas Kratam Shri Rudraashtakam Sampornam ॥